செய்திகள் உண்மை உடனுக்குடன்

தேர்தல் ஆணையத்தில் சசிகலா நாளை பதில் கடிதம்

Sasikala

சசிகலா அதிமுக பொதுச்செயலாளர் ஆனது குறித்த விவகாரம் தொடர்பாக தேர்தல் ஆணையத்தில் சசிகலா தரப்பில் நாளை விளக்கக் கடிதம் அளிக்கப்படும் என எதிர்பார்க்கப்படுகிறது.

சென்னை ஆர்.கே.நகர் தொகுதிக்கான இடைத்தேர்தல் ஏப்ரல் 12 ஆம் தேதி நடைபெறுகிறது. இதில் அதிமுக சார்பில் அக்கட்சியின் துணை பொதுச்செயலாளர் டிடிவி தினகரன் போட்டியிடுகிறார். அவரை எதிர்த்து ஓ.பன்னீர்செல்வம் அணி சார்பில் மதுசூதனன் போட்டியிடுகிறார். ஆர்.கே.நகர் இடைத்தேர்தலில் இரட்டை இலை சின்னத்தில்தான் போட்டியிடுவேன் என டிடிவி தினகரன் கூறியுள்ளார். இதேபோல் ஓ.பன்னீர்செல்வம் இரட்டை இலை சின்னத்தில்தான் போட்டியிடப் போவதாக தெரிவித்திருந்தார். ஆர்.கே.நகர் வேட்பாளர் மதுசூதனனுக்கு இரட்டை இலை சின்னத்தை ஒதுக்கக் கோரி, தேர்தல் ஆணையத்தில் ஓபிஎஸ் அணி சார்பில் மனு கொடுக்கப்பட்டுள்ளது. முன்னதாக சசிகலா பொதுச் செயலாளராகத் தேர்வு செய்யப்பட்டது செல்லாது என அறிவிக்கக் கோரி ஓபிஎஸ் அணியினர் தேர்தல் ஆணையத்தில் மனுச் செய்தனர்.

இது தொடர்பாக பதிலளிக்குமாறு சசிகலாவுக்கு தேர்தல் ஆணையம் நோட்டீஸ் அனுப்பியிருந்தது. இந்நிலையில் சசிகலா தரப்பில் நாளை பதில் அளிக்கப்படும் என எதிர்பார்க்கப்படுகிறது. இதனிடையே இப்பிரச்னை குறித்து தீர்வு காண இரு தரப்பினரையும் நாளை மறுநாள் நேரில் வருமாறு தேர்தல் ஆணையம் அழைத்துள்ளது.

முக்கிய செய்திகள்