ஸ்மார்ட்போனை அன்லாக் செய்ய திருடர்கள் பயன்படுத்தும் புதிய முறை

Smartphone

தெர்மல் கேமரா எனும் வெப்ப உணரி கேமராக்கள் உதவியுடன் ஸ்மார்ட்போன் தகவல்களை ஹேக்கர்கள் எளிதில் திருடுவதாக ஆய்வாளர்கள் எச்சரித்துள்ளனர்.

ஸ்மார்ட்போன் பயனாளர்கள், தங்கள் ஸ்மார்ட்போனைப் பாதுகாக்க பேட்டர்ன் லாக் மற்றும் நம்பர் லாக் என இருவகையான பாதுகாப்பு அம்சங்களை தற்போது பயன்படுத்தி வருகின்றனர். மிகச்சில ஸ்மார்ட்போன்களிலேயே விரல் ரேகை மூலம் லாக் மற்றும் அன்லாக் செய்யும் வசதி இருக்கிறது என்றே கருதப்படுகிறது. 

ஸ்மார்ட்போனினை கைகளைப் பயன்படுத்தி அன்லாக் செய்யும்போது போனின் திரையில் கைகளின் வெப்பம் சுமார் 30 விநாடிகளுக்கு நீடிக்கும் என்று கருதப்படுகிறது. இந்த சந்தர்ப்பத்தைப் பயன்படுத்தி, ஸ்மார்ட்போன் திரையை தெர்மல் கேமிரா மூலம் திருடர்கள் புகைப்படமாகப் பதிவு செய்கின்றனர். அந்த புகைப்படத்தினைப் பயன்படுத்தி ஸ்மார்ட்போனை அன்லாக் செய்யும் பேட்டர்ன் அல்லது ரகசிய குறீயீட்டு எண்களை திருடர்கள் அறிந்துகொள்வதாகவும் தெரியவந்துள்ளது. ஜெர்மனியைச் சேர்ந்த ஸ்டூட்கர்ட் பல்கலைக்கழக ஆய்வாளர்கள் நடத்திய ஆய்வில் இது தெரியவந்துள்ளது.